Პლასტიკური ქირურგია

ბლეფაროპლასტიკა

ბლეფაროპლასტიკა
ბლეფაროპლასტიკა არის ქირურგიული გაახალგაზრდავების პროცედურა, რომელიც მიზნად ისახავს ზედა და ქვედა ქუთუთოების გარეგნობის გაუმჯობესებას.
პლასტიკურმა ქირურგმა შეიძლება დანიშნოს ასეთი ოპერაცია, თუ არსებობს ერთი ან რამდენიმე ესთეტიკური პრობლემა:

• ქუთუთოების მოდუნებული კანი, ნაკეცების ფორმირება,
• ზედა ან ქვედა ქუთუთოს ბუნებრივი კონტურის დამახინჯება, მხედველიბის გაუარესება,
• ცხიმგროვები, შეშუპება, "ჩანთები"თვალების ქვეშ, რომლებიც არ სწორდება სხვა მეთოდებით;
• ქვედა ქუთუთოების დაწევა (პტოზი) ,
• ჭარბი კანი და ქუთუთოების წვრილი ნაოჭები.

ზედა ბლეფაროპლასტიკა შეიძლება მოიცავდეს ჩამოწეული ქუთუთოების კანის ამოკვეთას, თვალის გამხსნელი კუნთის აღდგენას და ზედმეტი ცხიმის მოცილებას.
ქვედა ბლეფაროპლასტიკა კეთდება თვალების ქვეშ "ჩანთების"გასასწორებლად, შესაძლოა ზედმეტი ცხიმისა და კანის მოსაშორებლად და ქვედა დაწეული ქუთუთოების სამკურნალოდ.
ქუთუთოების ფტოზი ასევე შეიძლება გამოწვეული იყოს წარბების დაშვებით, ამიტომ შესაძლოა საჭირო გახდეს წარბის აწევა.
პროცედურა ტარდება სედატიური და ადგილობრივი ანესთეზიის ქვეშ. თუ ზედა და ქვედა ბლეფაროპლასტიკა ერთდროულად ჩატარდება, ოპერაცია შეიძლება გაგრძელდეს დაახლოებით 2 საათის განმავლობაში.
ზედა ქუთუთოებზე კვეთები კეთდება ბუნებრივ ხაზებზე, ამიტომ ნაწიბურები მოგვიანებით არ ჩანს. ზედმეტ კანს და ცხიმს აშორებენ, რის შემდეგაც იდება კოსმეტიკური ნაკერი.
ქვედა ქუთუთოებზე ოპერაცია შეიძლება ჩატარდეს სხვადასხვა მეთოდით, ხშირად გარე კვეთის გარეშე.
ოპერაციის შემდეგ მნიშვნელოვანია ექიმის რეკომენდაციების დაცვა, რათა შემცირდეს შესაძლო გამოხატული გვერდითი მოვლენები (შეშუპება, სისხლჩაქცევები) და თავიდან აიცილოთ გართულებები. გამოჯანმრთელება შეიძლება გაგრძელდეს ერთიდან ორ კვირამდე, ფიზიკური დატვირთვა შეიძლება განახლდეს 2-4 კვირის შემდეგ.

ნიკაპის ლიპოსაქცია არის ცხიმის რადიკალური მოცილება სპეციალური აპარატის გამოყენებით. ეს შესაძლებელს ხდის ნიკაპი უფრო დახვეწილი და ქალური გახდეს.
ნიკაპის ლიპოსაქციის ჩვენებებს წარმოადგენს:
ნიკაპის მიდამოში ლოკალური გადაჭარბებული ცხიმგროვა,
ცხიმგროვის გამო ჩამოყალიბებული მეორე ნიკაპი,
ნიკაპის არაზუსტი კონტური.
პროცედურა ტარდება ადგილობრივი ანესთეზიის ქვეშ და გრძელდება დაახლოებით ერთი საათი. ჯერ ექიმი აკეთებს მცირე კვეთას ნიკაპის ქვეშ, სადაც შეჰყავთ თხელი კანულა(მილი). მას აერთებენ შემწოვ მოწყობილობაზე და იღებენ საჭირო რაოდენობის კანქვეშა ცხიმსა და შეშუპებით სითხეს . სასურველი კონტურის მიღწევის შემდეგ კანულას იღებენ და ჭრილობას კერავენ.
ამრიგად, ცხიმოვანი უჯრედების მნიშვნელოვანი რაოდენობა ამოღებულია და ცხიმი წყვეტს დაგროვებას.
თუმცა, წონის დიდი მატებით, დარჩენილი ცხიმოვანი უჯრედები შეიძლება გაიზარდოს ზომაში და საჭირო იქნება ახალი პროცედურა. ამიტომ პლასტიკური ქირურგიის შემდეგ რეკომენდებულია კვების და ცხოვრების წესის გადახედვა ოპტიმალური წონის შესანარჩუნებლად. მაშინ,ლიპოსაქციის შედეგები დიდხანს შენარჩუნდება.
ნიკაპის ლიპოსაქციის უპირატესობები:
სახის ოვალისა და კონტურის და ზოგადად გარეგნობის გაუმჯობესება,
კისრის ვიზუალური დაგრძელება,
ხანგრძლივი შედეგი,
ცხოვრების ხარისხის გაუმჯობესება და თავდაჯერებულობა.
პროცედურა მოითხოვს აღდგენის გარკვეულ პერიოდს. ერთი კვირის განმავლობაში ატარეთ სახვევი ზეწოლით და დაიძინეთ ვერტიკალურ მდგომარეობაში, რათა ნიკაპი ამაღლებული გქონდეთ. აქტიური ფიზიკური დატვირთვა უნდა გადაიდოს ერთი თვით.

ნიკაპის ლიპოსაქცია